भाजपच्या अर्धवट कामाला यश साने यांचा पूर्णविराम

NewsZenn Jun 26, 2023 704 0

मोरेवस्ती येथील गुरुकुल सोसायटीच्या रस्त्याचे काम भाजपच्या काही नेते मंडळींनी मोठा गाजावाजा करत सुरू केले, मात्र पूर्ण करू शकले नाही. अर्धवट अवस्थेमध्ये पडलेल्या ह्या कामामुळे नागरिकांना प्रचंड मनस्ताप सहन करावा लागत असल्याचा आरोप राष्ट्रवादीचे युवा नेते यश साने यांनी केला आहे.

यश साने म्हणाले की, येथील अर्धवट कामामुळे ड्रेनेज लाईन तुंबून पाणी रस्त्यावर येत आहे. पाणीपुरवठा करणारी लाईन बऱ्याच ठिकाणी फुटल्याने होणारा अपुरा आणि कमी दाबाने पाणी पुरवठा होत आहे. वाया जाणारे पाणी, पाणी साठून होणारा चिखल यामुळे पसरणारी दुर्गंधी यामुळे नागरिक हैराण झाले होते.

अखेर या सर्व समस्या सोडविण्यासाठी यश साने यांनी पुढाकार घेतला असून तुंबलेल्या ड्रेनेज लाईन व पाण्याची तुटलेली लाईन यासंदर्भात संबंधित अधिकाऱ्यांशी संपर्क साधून काम मार्गी लावण्याची मागणी केली होती त्यानुसार आज मनपा प्रशासनाने काम सुरू करून पूर्णही केले आहे.

Click Here To See More